ဘန်ကောက်၊ ဩဂုတ်-၂၉-၂၀၂၅
မျိုးဆက်(VOM)
ထိုင်းနိုင်ငံရဲ့ ဖွဲ့စည်းပုံအခြေခံဥပဒေဆိုင်ရာတရားရုံးက ရာထူးကနေ ဆိုင်းငံ့ခံထားရတဲ့ ဝန်ကြီးချုပ် ပေတုန်တန် ရှင်နာဝပ်ထရာကို ကျင့်ဝတ်ချိုးဖောက်မှုအတွက် အပြစ်ရှိကြောင်းတွေ့ရှိပြီးနောက် ရာထူးကနေ ဒီကနေ့မှာ ထုတ်ပယ်လိုက်ပါတယ်။
ထိုင်းနိုင်ငံရဲ့ အသက်အငယ်ဆုံးဝန်ကြီးချုပ်ဖြစ်လာခဲ့တဲ့ ပေတုန်တန်ဟာ အာဏာရပြီး တနှစ်ပဲအကြာမှာ ရာထူးထုတ်ပယ်ခံလိုက်ရတာဖြစ်ပြီး ရှင်နာဝပ်ထရာ မိသားစုရဲ့ နိုင်ငံရေးအာဏာကို ထပ်ခါထပ်ခါ ထိခိုက်စေတဲ့ ကိစ္စဖြစ် ကာထိုင်းနိုင်ငံရေး မရေမရာမှုတွေ တိုးပွားနေပါတယ်။
တရားရုံးရဲ့ ဆုံးဖြတ်ချက်မှာတော့ ဝန်ကြီးချုပ် ပေတုန်တန်ဟာ ကမ္ဘောဒီးယားဝန်ကြီးချုပ်ဟောင်း ဟွန်ဆန်နဲ့ ဇွန်လက တယ်လီဖုန်းပြောဆိုတဲ့ အသံဖိုင် ပေါက်ကြာလာခဲ့ပြီး သူတို့ပြောဆိုမှုတွေမှာ ပေတုန်တန်ဟာ ထိုင်းစစ်တပ်ကို ဝေဖန်မှုတွေနဲ့အတူ ကျင့်ဝတ်ချိုးဖောက်မှုတွေရှိတယ်လို့ ဆိုပါတယ်။
အဲဒီနောက်မှာတော့ နှစ်နိုင်ငံအကြား သီတင်းပတ်အနည်းငယ်အကြာမှာ နယ်စပ်တိုက်ပွဲတွေစဖြစ်ပြီး ငါးရက်ကြာခဲ့ပါတယ်။ လက်ရှိ ဆုံးဖြတ်ချက်ကြောင့် လွှတ်တော်ကနေ ဝန်ကြီးချုပ်အသစ်ကို ရွေးချယ်ဖို့ လမ်းစပွင့်သွားပြီး ပေတုန်တန်ရဲ့ ဖြူထိုင်းပါတီက မဟာမိတ်အဖွဲ့ကို ထိန်းသိမ်းဖို့ စိန်ခေါ်မှုတွေရင်ဆိုင်ရနိုင်ပါတယ်။
ဩဇာကြီးမားတဲ့ စီးပွားရေးလုပ်ငန်းရှင်းနဲ့ ဝန်ကြီးချုပ်ဟောင်း သတ်ဆင် ရှင်နာဝပ်ထရာရဲ့ သမီး ပေတုန်တန်ဟာ လွန်ခဲ့တဲ့တနှစ်က ဝန်ကြီးချုပ်ဟောင်း စရက်သာ သာဗီဆင်ကို ရာထူးကနေ တရားရုံက ထုတ်ပယ်လိုက်ပြီးနောက် ဝန်ကြီးချုပ်ဖြစ်လာသူပါ။
သူကတော့ ဖုန်းပြောတဲ့အသံဖိုင် ပေါက်ကြားမှုအတွက် တောင်းပန်ခဲ့ပြီး စစ်မဖြစ်အောင် ကာကွယ်ဖို့ ကြိုးစားနေတာလို့ ဆိုပါတယ်။ သူမဟာ ၁၇ နှစ်အတွင်း ဖွဲ့စည်းပုံအခြေခံဥပဒေဆိုင်ရာတရားရုံးကနေ ရာထူးကနေ ထုတ်ပယ်ခံရတဲ့ ပဉ္စမမြောက် ဝန်ကြီးချုပ်ဖြစ်ပါတယ်။
ဒါဟာ ရွေးကောက်ခံရတဲ့ ရှင်နာဝပ်ထရာ မိသားစု အစိုးရခေါင်းဆောင်တွေနဲ့ ကာလရှည်ကြာ ဩဇာရှိပြီး အင်အားကြီးမားတဲ့ ရှေးရိုးစွဲတွေ၊ ဘုရင်စနစ်ထောက်ခံတဲ့ ဗိုလ်ချုပ်တွေကြား ဖြေရှင်းမရတဲ့ အာဏာလုမှုတွေမှာ ဖွဲ့စည်းပုံအခြေခံဥပဒေ တရားရုံးရဲ့ အဓိကအခန်းကဏ္ဍကို ထင်ဟပ်စေပါတယ်။
ထိုင်း ဒုတိယဝန်ကြီးချုပ်ဟာ လက်ရှိအစိုးရအဖွဲ့က ဝန်ကြီးချုပ်အသစ်ရွေးချယ်တင်မြှောက်ပြီတဲ့အထိ ယာယီအစိုးရအဖွဲ့အနေနဲ့ ဆက်လက်အုပ်ချုပ်သွားမှာဖြစ်ပြီး ဘယ်အချိန်မှာ ရွေးချယ်ရမယ်ဆိုတဲ့ မသတ်မှတ်ရသေးပါဘူး။
Ref:CNA
Photo:Getty Images
